قائد ملت لیاقت علی خان کا 70 واں یوم شہادت 

تحریک آزادی کے سرگرم رکن اور پاکستان کے پہلے وزیراعظم لیاقت علی خان یکم اکتوبر 1895کو بھارتی پنجاب کے گاؤں کرنال میں پیدا ہوئے ۔ لیاقت علی خان نے علی گڑھ مسلم یونیورسٹی انڈیا اور آکسفورڈ یونیورسٹی برطانیہ چلے گئے۔1923 میں ہندوستان واپس آکر مسلم لیگ میں شمولیت اختیار کرلی، لیاقت علی خان اپنی خداداد صلاحیتوں کے باعث جلد ہی قائداعظم کے قریب ہوگئے اور تحریک پاکستان میں قائد کے شانہ بشانہ رہے ۔ 1933میں بیگم رعنا لیاقت علی خان سے رشتہ ازدواج میں منسلک ہوئے، قائد ملت لیاقت علی خان تقسیم ہند سے قبل برطانوی  عبوری حکومت میں  پہلے وزیرِ خزانہ بھی منتخب ہوئے۔

تحریک آزادی کے دوران لیاقت علی خان قدم قدم پر قائداعظم کے ساتھ رہے، انہی کی کوششوں سے 1941ء کے انتخابات میں کانگریس کے مقابلے میں مسلم لیگ کو مسلمانوں نے ووٹ دیا اور بعد ازاں ان ہی انتھک کوششوں کے نتیجے میں 14 اگست 1947ء کو دنیا کے نقشے پر ایک نیا ملک پاکستان معرض  وجود میں آیا۔

قیام پاکستان کے بعد قائد اعظم محمدعلی جناح نے انہیں ملک کا پہلا وزیراعظم نامزد کیا، جس پر قائد کے انتخاب کو درست ثابت کرنے کے لیے انہوں نے انتھک محنت کی اور شاندار کارکردگی کا مظاہرہ کیا لیکن مملکت خداداد پاکستان کے خلاف سازشیں ابتدا میں ہی شروع ہو گئی تھیں ۔

لیاقت علی خان 16اکتوبر 1951 کو راولپنڈی کے کمپنی باغ  میں ایک جلسےسے خطاب کے دوران  شہید کردیئے گئے ۔اس عظیم شخصیت کی یاد میں راولپنڈی کے کمپنی باغ کو ’’لیاقت باغ‘‘ کے نام سے منسوب کر دیا گیا۔ شہادت کے بعد لیاقت علی خان کو "شہید ملت "کے  خطاب سے نوازا گیا ۔ لیاقت علی خان کراچی میں مزار قائد کے احاطے میں مدفون ہیں ۔