ٹی 20 ورلڈکپ، آج سکاٹ لینڈ اور پاپوانیوگنی کی ٹیمیں مدمقابل ہوں گی

دبئی: انٹرنیشنل کرکٹ کونسل (آئی سی سی) ٹی 20 ورلڈکپ میں آج ایک ہی میچ کھیلا جائے گا اور سکاٹ لینڈ کی ٹیم پاپوانیوگنی کے خلاف میدان میں اترے گی اور یہ میچ پاکستانی وقت کے مطابق دوپہر تین بجے شروع ہو گا۔

سکاٹ لینڈ کے سکواڈ کی قیادت کائل کوئٹزر کر رہے ہیں جبکہ دیگر کھلاڑیوں میں جارج میونسی، میتھیو کراس، رچی بیرنگٹن، کالوم میکلیوڈ، مائیکل لیسک، کرس گریوز، مارک واٹ، جوش ڈیوی، سفیان شریف، بریڈلی وہیل، ڈیلن بیوج، کریگ ویلیس، الاسڈئیر ایوانز اور حمزہ طاہر شامل ہیں جبکہ حتمی ٹیم کا اعلان میچ سے کچھ دیر قبل ہو گا۔

پاپوانیوگنی کی قیادت اسد والا کر رہے ہیں جبکہ دیگر کھلاڑیوں میں ٹونی اورا، لیگا سیاکا، چارلز امینی، سیسی باؤ، نورمین وانووا، سیمون اتل، کیپلن دوریگا، ڈیمین راوو، کابووا موریا، نوسائنا پوکانا، شیڈ سوپر، جینس کیلا، ہیری ہیری اور گاؤڈی ٹوکا شامل ہیں۔