آرمینیا میں فوجی بغاوت کا خدشہ ، فوج نے وزیر اعظم سے مستعفی ہونے کا مطالبہ کردیا

غیرملکی خبر رساں ادارے کے مطابق  فوج نے اپنے جاری کردہ بیان میں کہاکہ موجود حکومت کے غیرموثر انتظامات  اور خارجہ پالیسی میں سنگین غلطیوں سےملک تباہی کے دہانے پر آچکاہے۔فوج نے آرمینیائی وزیراعظم سے مستعفی ہونے کا مطالبہ کرنیوالوں کی بھی حمایت کی۔

غیر ملکی خبرایجنسی کی رپورٹ میں یہ کہاگیاہےکہ ابھی یہ واضح نہیں کہ  فوج ملکی وزیراعظم کو ہٹانے کیلئے طاقت کا استعمال کرنے کیلئے تیارہے یا نہیں۔ادھرآرمینیائی وزیراعظم نے حامیوں کو فوجی کی جانب سے  بغاوت کی کوشش کے حوالےسے تنبیہ کردی ۔رہنما کی کال پران کے حامی بھی  دارالحکومت کی سڑکوں پر نکل آئے۔

واضح رہے کہ  آرمینیائی وزیراعظم نگورنوکاراباخ جھڑپوں میں آذربائیجان کے سامنے ہتھیار ڈالنے پر کڑی تنقید کا سامنا ہے۔اپوزیشن آرمینیائی وزیراعظم سے مستعفی ہونے کا بھی مطالبہ کرتی آرہی ہے۔