آئی سی سی نے گرین شرٹس کو بڑا سرپرائز دیدیا

ابو ظہبی : انٹرنیشنل کونسل ( آئی سی سی ) نے پاکستان کو بڑا سرپرائز دیدیا ہے ۔ 

انٹرنیشنل کونسل نے پاکستان کی جیت کی خوشی میں پاکستانی کھلاڑیوں کی تصویر کو اپنے آفیشل سوشل میڈیا اکاؤنٹ کی ناصرف زینت بنایا ہے بلکہ پاکستانی ٹیم کو بہترین پرفارمنس پر خراج تحسین بھی پیش کیا ہے ۔ 

13.4ملین فالووورز رکھنے والے اس آفیشل ٹویٹر اکاؤنٹ پر پاکستانی کھلاڑیوں کی سیلفی کی تصویر نے دنیا بھر میں موجود پاکستانی شائقین کرکٹ کے دل جیت لیے ہیں ۔ 

اس سے قبل قومی کرکٹ ٹیم کے وکٹ کیپر اور بلے باز محمد رضوان نے آئی سی سی کو بھی اپنا دیوانہ بنالیا۔  سماجی رابطے کی ویب سائٹ ٹوئٹر پر  ایک ویڈیو میں آئی سی سی نے محمد رضوان  کی ایک ویڈیو شئیر کی ہے جس میں ان کے  میچ  پریکٹس اور میچ کے دوران  کھیلے گئے شاٹس  دکھائے گئے ہیں ۔  

محمد رضوان نے میچ میں بھارت کے باؤلرز کی وہی شاٹیں لگاکر دھلائی کی جس کی وہ پریکٹس کر رہے تھے ۔

ویڈیو کے عنوان میں آئی سی سی نے لکھا کہ خواب ، تصور اور تکمیل ، محمد رضوان کا ماسٹر پیس میچ سے پہلے ہی شروع ہوگیا تھا" ۔ 

یاد رہے کہ  گزشتہ روز محمد رضوان نے ٹی ٹوئنٹی میچز میں 100 کیچز  ورلڈ کپ میں  بھارت کے خلاف میچ میں مکمل کیے ۔ قومی ٹیم کے کپتان بابر اعظم اور محمد رضوان نے  بھارت کے خلاف عمدہ بیٹنگ کرتے ہوئے ٹی 20 میں پاکستان کی سب سے بڑی شراکت بھی بنا ڈالی ۔ 

؎

Dream. Visualise. Execute.

Mohammad Rizwan’s masterpiece started before a ball was bowled ?#T20WorldCup #INDvPAK pic.twitter.com/o4m8biFhdP

— ICC (@ICC) October 25, 2021

پاکستان نے ورلڈکپ  کے پہلے مقابلے  میں بھارت کو چاروں شانے چت کرتے ہوئے 10 وکٹوں سے ہرادیا۔

واضح رہے کہ آئی سی سی مینز ٹی ٹوئنٹی ورلڈ کپ کا ساتواں ایڈیشن متحدہ عرب امارات اور عمان میں جاری ہے ۔