جنسی زیادتی کے مجرم کو نامرد بنانے کا قانون غیر اسلامی ہے ، اسلامی نظریاتی کونسل

تفصیلات کے مطابق اسلامی نظریاتی کونسل کا 225 واں دو روزہ اجلاس ہوا، اسلامی نظریاتی کونسل نے جنسی زیادتی کے مجرم کو نامرد بنانے کے قانون کو غیر اسلامی قرار دے دیا ہے۔ اسلامی نظریاتی کونسل نے متبادل مؤثر سزائیں تجویز کرنے کی سفارش کردی ہے۔

کونسل نے رحمۃ للعالمین اتھارٹی کے قیام کو ایک مستحسن قدم قرار دیا،  مارگلہ کی پہاڑیوں پر  جنگل میں آگ لگنے کے واقعات پر کونسل نے تشویش کا اظہار کیا ہے، کونسل نے ملتان میں جلوس میں حورِ جنت کے نام پر کئے جانے والے عمل کو نامناسب قرار دیا۔

کونسل نے مطالبہ کیا ہے کہ  پنجاب حکومت  اس واقعے کی تحقیقات کر کے ذمہ داران کو قرار واقعی سزا دے ،  آئندہ کے لیے ایسی نامناسب حرکتوں کے انسداد کو یقینی بنایا جائے۔