ٹی ٹوینٹی ورلڈ کپ ، افغانستان نے نیمیبیا کو شکست دیدی

ابو ظہبی : افغانستان نے انتہائی اہم میچ میں نمیبیا کو جیت کیلئے 161رنز کا ہدف دے دیا ہے۔ جس کے جواب میں نمیبیا نے صرف 20 اوورز میں اپنی 9 قیمتی ترین وکٹیں گنوا بیٹھی اور صرف 98 رنز ہی جوڑ سکی ۔ اسطرح افغانستان نے نیمبیا کو باآسانی شکست سے دوچار کردیا ۔ 

اس سے پہلے  افغانستان نے ٹاس جیت کر پہلے بیٹنگ کا فیصلہ کیا جس پر افغان کھلاڑیوں نے مقرر ہ اوورز میں  5 وکٹوں کے نقصان پر 160رنز بنائے اور نمیبیا کو جیت کیلئے 161رنز کا ہدف دیا ۔ جس میں وکٹ کیپر بیٹسمین محمد شہزاد 45 رنز کے ساتھ ٹاپ سکورر رہے۔

افغانستان کی جانب سے محمد شہزاد اور حضرت اللہ زازئی نے میدان میں اتر کر کھیل کا آغاز کیا۔حضرت اللہ زازئی 33 رنز بنا کر آوٹ ہو گئے ان کے بعد آنے والے رحمان اللہ صرف 4 سکور ہی بنانے میں کامیاب ہوئے اور ایل بی ڈبلیو ہو کر پولین لوٹ گئے۔ اوپننگ پر آنے والے محمد شہزاد نصف سینچری بناتے بناتے رہ گئے اور 45 رنز پر کیچ آوٹ ہو گئے۔ان کے علاوہ اصغر افغان 31 اور نجیب اللہ 7 سکور بنا کر آوٹ ہو گئے۔

ٹاس جیتنے کے بعد میزبان سے گفتگو کرتے ہوئے افغانستان کے کپتان محمد نبی نے کہاہے کہ پچ کافی اچھی لگ رہی ہے ، ہم نے گزشتہ میچ میں اچھا کھیلا اور ہم پر جوش ہیں ، مجیب الرحمان ان فٹ ہو گئے ہیں جس کے باعث ان کی جگہ حامد حسن کو ٹیم میں شامل کیا گیاہے ۔

نمیبیا کے کپتان کا کہناتھا کہ ہمارے باولر ز کے پاس افغانستان کے بلے بازوں کو پریشر میں لانے کا اچھا موقع ہے ، ہوا چلنے کے باعث اچھا ٹارگٹ سیٹ کرنا اتنا آسان نہیں ہوگا، ہماری ٹیم میں کوئی تبدیلی نہیں کی گئی ہے ۔