صحافی جمال خاشقجی کے قتل کی منظوری محمد بن سلمان نے دی،امریکی انٹیلی جنس کا دعویٰ

غیر ملکی خبر ایجنسی کے مطابق امریکا کی جانب سے سعودی صحافی جمال خاشقجی کے قتل کی تحقیقات پر مبنی خفیہ رپورٹ جاری کر دی گئی جس میں امریکی ڈائریکٹر آف نیشنل انٹیلی جنس نے دعویٰ کیا ہے کہ  سعودی  ولی عہد شہزادہ محمد بن سلمان نے صحافی جمال خاشقجی کے قتل کی منظوری دی تھی۔

رپورٹ میں مزید کہا گیا کہ ترکی کے شہر استنبول میں سعودی صحافی جمال خاشقجی کی گرفتاری اور  ان کی ہلاکت کے لئے آپریشن سعودی  ولی عہد شہزادہ محمد بن سلمان کےکہنے پر کیا گیا اور اس سارے آپریشن میں سعودی  ولی عہد شہزادہ محمد بن سلمان کا ایک اہم مشیر بھی براہ راست شامل تھا۔

رپورٹ میں مزید کہا گیا کہ سعودی  ولی عہد شہزادہ محمد بن سلمان 2017 سے سعودی عرب میں انتظامی امور اور ملکی سلامتی امور پر مکمل کنٹرول رکھے ہوئے ہیں، ان کی اجازت کے بغیر اس نوعیت کا آپریشن ممکن نہیں۔

خیال رہے کہ امریکی صحافی  جمال خاشقجی کو 2018 میں استنبول کے سعودی سفارت خانہ میں قتل کر دیا گیا تھا اور سعودی ولی عہد محمد بن سلمان نے اس قتل میں ملوث ہونے کے تمام الزامات کی تردید کی تھی۔

بعد ازاں سعودی عرب کی ایک عدالت نے اس قتل کے جرم میں پانچ اہلکاروں کو موت کی سزا سنائی تھی لیکن ستمبر2020 میں ان کی سزا میں کمی کر کے اس کو 20 سال قید میں تبدیل دیا گیا تھا۔