پاکستان امن پسندملک ، وقت آیا تو ہر چیلنج کا جواب بھرپور طاقت سے دیا جائیگا : آئی ایس پی آر

پاک فوج کے شعبہ تعلقات عامہ کے سربراہ  (ڈی جی آئی ایس پی آر)  نے آپریشن سوئفٹ ریٹارٹ کے دن کی مناسبت سے پیغام   جاری  کیا ہے۔  ڈی جی آئی ایس پی آر میجر جنرل بابر افتخار نے سماجی رابطے کی ویب سائٹ پر اپنے ٹویٹر پیغام میں کہا کہ مسلح افواج نے 27 فروری کو قوم کے تعاون سے وطن کا دفاع کیا،  مسلح افواج نے تمام خطرات کا سامنا کرتے ہوئے وطن عزیز کا دفاع کیا۔ یہ ایک قوم کی عددی برتری نہیں بلکہ عزم وحوصلہ تھا  ۔ پاکستان امن پسند ملک ہے،  وقت آیاتو ہرچیلنج کاجواب بھرپورطاقت سےدیاجائےگا۔

27th Feb, 2019 is testament that Pak AF, with support of the nation, will always defend the motherland against all threats. It is not numbers but courage & will of a resilient nation that triumphs in the end. Pak stands 4 peace but when challenged, shall respond with full might

— DG ISPR (@OfficialDGISPR) February 27, 2021

واضح رہے کہ 27 فروری  2019 کو پاکستان کی آزاد فضاؤں کے محافظ شاہینوں‌ نے دلیری اور شجاعت کی ایک نئی تاریخ‌ رقم کی اور بھارت کو دنیا بھر میں‌ ذلت و رسوائی کا سامنا کرنا پڑا۔پاکستان کی فضائی حدود میں‌ گھسنے کی کوشش کرنے والے بھارتی فضائیہ کے دو جہاز پاک فضائیہ کے شاہینوں نے گرائے ۔ بھارتی فضائیہ کا ایک جہاز پاکستانی علاقے میں گرا جس کے پائلٹ بھارتی ونگ کمانڈر ابھی نندن کو مقامی افراد نے قابو کر لیا اور موقع پر پہنچنے والے پاک فوج کے دستوں نے دشمن کو عوام کے غیض و غضب سے بچایا جبکہ بھارت کا دوسرا جنگی طیارہ مقبوضہ کشمیر میں‌ گر کر تباہ ہو گیا تھا۔ پاک فوج کے پیشہ وارانہ معیار اور اعلی اخلاقی اقدار کا  خود دشمن پائلٹ ابھی نندن  نے بھی اعتراف کیا ،  ٹی از فنٹاسٹک کا جملہ پاک فوج کے بہترین حسن سلوک کی علامت بن گیا۔

دوسری جانب  پاک فضائیہ نے اپنی اس کامیابی پر  صدائے پاکستان  کے نام سے ملی نغمہ جاری کیا ہے، جسے گلوکار علی حمزہ نے گایا ہےیہ ترانہ پاک فضائیہ کے ان سپوتوں کی جرات اور بہادری کو خراجِ تحسین ہے جنہوں نے دشمن کے ساتھ 2019ء میں پیش آنے والے فضائی معرکے میں بہادری کی نئی داستان رقم کی اور ملک و قوم کا وقار بلند کیا۔