پاکستان ویسٹ انڈیز سیریز : قومی کرکٹر ندا ڈارکھیل سے علیحدہ

تفصیلات کے مطابق  قومی کرکٹر ندا ڈار پاکستان  ویسٹ انڈیز سیریز کیلئے والد کے انتقال کے باعث ٹریننگ سیشن چھوڑ کر لاہور روانہ  ہوگئیں ۔  ندا ڈار کے والد کے انتقال آج ہوا  ہے ۔ وہ  نیشنل اسٹیڈیم کراچی میں قومی اسکواڈ کے ہمراہ ٹریننگ سیشن میں شریک تھیں ۔ 

خیال رہے کہ آئی سی سی کی جانب سے خواتین کھلاڑیوں کی جاری رینکنگ میں پاکستان کی ندا ڈار  دس بہترین کرکٹرز میں شامل ہیں ۔ 

واضح رہے کہ پاکستان ویسٹ انڈیز سیریز کا انعقاد آٹھ نومبر سے کراچی میں ہوگا ۔ مہمان ٹیم نیشنل اسٹیڈیم کراچی میں بیٹنگ، بولنگ فیلڈنگ کی بھرپور پریکٹس کر رہی ہے ۔

اس سے قبل پاکستان ویمن کرکٹ ٹیم پہلے ہی مشکل سے دوچار ہے،  قومی ویمن ٹیم کی 6 کھلاڑی   کورونا ٹیسٹ مثبت آنے کے بعد میچز میں شرکت نہیں کرسکی ۔

پی سی بی کے مطابق ویمن اسکواڈ کے تمام ارکان دو منفی ٹیسٹ کے بعد بائیو سیکیور ببل میں داخل ہوئے تھے تمام اسکواڈ نے مئی میں کرونا سے بچاؤ کی مکمل ویکسی نیشن بھی کرائی تھی ۔

پاکستان اور ویسٹ انڈیز ویمن ٹیموں کے درمیان تین ون ڈے میچز 8، 11 اور 14 نومبر کو نیشنل اسٹیڈیم کراچی میں کھیلے جائیں گے۔