لائیوشو میں تلخ کلامی ، نعمان نیاز نے شعیب اختر سے معافی مانگ لی

تفصیلات کے مطابق میزبان  ڈاکٹر نعمان نیاز نے ایک انٹرویو کے دوران  اپنے بیان میں کہا کہ پروگرام میں آن ائیر جو مجھ سے ہوا اس پر جتنا رد عمل آیا وہ بالکل جائز تھا، وجہ جو بھی تھی آن ائیر یہ سب کرنے کا مجھے حق نہیں تھا ، میری غلطی تھی ۔ ان کا کہنا تھا  کہ میں اپنی غلطی پر ایک بار نہیں ہزاروں بار معافی مانگتا ہوں، شعیب اختر اسٹار  ہیں مجھے ان کی کرکٹ سے محبت ہے ۔

ڈاکٹرنعمان  نے ایک یوٹیوب چینل پر بات کرتے ہوئے کہا کہ  اُس پروگرام کے بعد والد نے کہا کہ مجھے تم سے یہ توقع نہیں تھی، تم نے غلطی کی، اس وقت شعیب اختر اسٹار اور میں صرف میزبان تھا مجھے معاملہ سنبھالنا چاہیے تھا۔

میزبان کا کہنا تھا کہ یہ چیز نہیں ہونی چاہیے تھی جس کا میں خمیازہ بھگتنے کے لیے تیار ہوں اور بھگت رہا ہوں۔

خیال رہے کہ ورلڈکپ ٹی ٹوئنٹی میں پاکستان کے نیوزی لینڈ سے میچ کے بعد ڈاکٹر نعمان نیاز نے اسپورٹس پروگرام میں شعیب اختر کے ساتھ بد تہذیبی کا مظاہرہ کیا تھا اور شو سے چلے جانے کا کہہ دیا تھا۔جواب میں شعیب اختر نے آن ایئر ہی پی ٹی وی سے استعفی دے کر شو چھوڑ دیا تھا۔

لائیو شو میں میزبان کی بدتمیزی ، شعیب اختر کا سخت ردعمل          

دوسری جانب  شعیب اختر نے سرکاری ٹی وی پر لائیو شو میں ان سے غلط رویہ رکھنے پر ڈاکٹر نعمان کو معاف کر دیا ہے۔ ٹوئٹر پر ایک پوسٹ  میں شئیر کردہ   ویڈیو میں  شعیب اختر  نے کہا کہ انہوں نے قوم اور اداروں کی عزت کے لیے ڈاکٹر نعمان نیاز  کو معاف کردیا ہے، ان کا کہنا تھا کہ وہ دل میں کسی کے لیے نفرت رکھنا نہیں چاہتے۔

Once & for all, clarifying what happened that day on PTV. pic.twitter.com/ultpoIyWIq

— Shoaib Akhtar (@shoaib100mph) November 4, 2021