کراچی : پولیس کی خفیہ اطلاع پر کارروائی ، 4 دہشتگرد گرفتار

تفصیلات کے مطابق  شیرشاہ پولیس کی پراچہ قبرستان کے اندر انٹیلیجنس بیسڈ کاروائی کی گئی ہے۔

ایس ایس پی کیمارڑی فدا حسین جانوری کے مطابق کالعدم بلوچ لبریشن آرمی اور تحریک طالبان پاکستان کے 4 دہشتگرد گرفتارکرلیے گئے ہیں ، مبینہ دہشتگردوں میں ریان عرف ریو ،افضل ، شمیم خان عرف فیصل عرف شاہ حسین اور مزمل زیب عرف نظر بھی شامل ہیں۔

 ایس ایس پی کیماڑی کا کہنا ہے کہ  ریان عرف ریو بین الاقوامی سزا یافتہ ملزم ہے، ملزم سعودی عرب میں منشیات کیس میں گرفتار ہوچکا ہے،  مبینہ دہشتگرد قبرستان میں چھپے ہوئے تھے، ملزمان کے قبضے سے 3 پستول، منشیات اور موٹر سائیکل برآمد ہوئی ہیں، گرفتار مبینہ دہشتگردوں سے مزید تفتیش کا عمل جاری ہے۔