معروف ڈھولچی  پپو سائیں انتقال کر گئے

تفصیلات کے مطابق لاہور کےمعروف ڈھولچی پپو سائیں انتقال کر گئے ۔ گذشتہ روز  طبیعت بگڑنے  کے بعد ددوبارہ سنبھل نہ  سکی ۔ ڈاکٹرز کے مطابق پپو سائیں کو جگر کا کینسر تھا  ۔پپو سائیں  کا جگر 85فیصد کام کرنا چھوڑ گیا تھا۔پپو سائیں نے دنیا بھر میں پاکستان کا سافٹ امیج اجاگر کیا۔

بین الاقوامی سطح پر بھی ڈھول کے ذریعے صوفیا کا پیغام پہنچایا۔  پپو سائیں پی کے ایل آئی ہسپتال میں زیر علاج رہے،   پپو سائیں کا اصل نام ذوالفقار علی تھا۔   پپو سائیں  ڈھول بجانے  میں  بے حد مہارت  رکھتے تھے، ان کے  سینکڑوں شاگرد دنیا بھر میں موجود ہیں۔

معروف ڈھول ماسٹر پپو سائیں کی نماز جنازہ شاہ جمال دربار میں آج تین بجے ادا کی جائے گی ،  مرحوم کی تدفین ان کی وصیت کے مطابق ان کے آبائی گاؤں چک جمھرو فیصل آباد میی کی جائے گی۔ پپو سائیں کے انتقال پر شوبز اور سیاسی  شخصیات نے اظہار افسوس کیا ہے۔