کویتی حکومت نے استعفیٰ دے دیا

غیر ملکی خبر رساں ادارے کے مطابق کویت کی حکومت نے پیر کے روز حکمران امیر کو اپنا استعفیٰ پیش کر دیا ہے،  ایک ایسا اقدام جس سے مالیاتی اصلاحات میں رکاوٹ بننے والے اپوزیشن قانون سازوں کے ساتھ اٹینڈ آف کو ختم کرنے میں مدد مل سکتی ہے۔

رپورٹ کے مطابق امیر کویت  نے شیخ صباح کو ریسیو  کیا جنہوں نے انہیں اپنی کابینہ کا تحریری استعفیٰ دے دیا۔ یہ فوری طور پر واضح نہیں ہے کہ آیا امیر شیخ نواف الاحمد الصباح، جن کا ریاستی معاملات میں حتمی فیصلہ ہوتا ہے،  حکومت کا استعفیٰ قبول کر لیں گے، جو مارچ میں پچھلی کابینہ کے مستعفی ہونے کے بعد تشکیل دی گئی تھی۔

متعدد اپوزیشن ارکان پارلیمنٹ نے وزیر اعظم سے  کورونا  وبائی امراض سے نمٹنے اور بدعنوانی پر سوالات کرنے پر اصرار کیا ہے۔ اس جھگڑے نے قانون سازی کے کام کو مفلوج کر دیا ہے۔

کویت سیاسی جماعتوں کی اجازت نہیں دیتا، لیکن اس نے اپنی مقننہ کو دیگر خلیجی ممالک میں ملتے جلتے اداروں سے زیادہ اثر و رسوخ دیا ہے، جس میں قانون پاس کرنے اور بلاک کرنے، وزراء سے سوال کرنے اور اعلیٰ سرکاری اہلکاروں کے خلاف عدم اعتماد کا ووٹ جمع کرانے کا اختیار شامل ہے۔