دورہ پاکستان، انگلینڈ آئندہ سال 2 اضافی ٹی ٹوئنٹی میچزکھیلے گا

تفصیلات کے مطابق انگلینڈ کرکٹ بورڈ کے چیف ایگزیکٹو ٹام ہیری سن نے قذافی اسٹیڈیم میں چیئرمین پی سی بی رمیز راجہ سے ملاقات کی ہے۔

ملاقات کے بعد رمیز راجہ نے اپنے بیان میں کہا ہے کہ انگلینڈ کا 2 اضافی ٹی 20 کھیلنا خوش آئند ہے، انگلینڈ اب پاکستان میں 7 ٹی20 میچز کھیلے گا جبکہ انگلینڈ کی ٹیم آئندہ سال 3 ٹیسٹ میچز کھیلنے پاکستان بھی آئے گی۔

رمیز راجہ نے کہا ہے کہ پی سی بی اور انگلینڈ کرکٹ بورڈ کو ساتھ چلنا چاہیے، انگلش کرکٹ بورڈ کے چیئرمین نے پاکستان آکر وضاحت دی ہے۔

ای سی بی چیف ایگزیکٹو ٹام ہیری سن کا کہنا تھا کہ انگلینڈ کرکٹ بورڈ ،پاکستان کرکٹ بورڈ کے ساتھ شاندار تعلقات کا خواہاں ہے۔