سعودی عرب کو انسانی حقوق کی پامالیوں کا جواب دینا پڑے گا: جوبائیڈن

تفصیلات کے مطابق نئے امریکی صدر جوبائیڈن کے اقتدار میں آنے کے بعد امریکا اور سعودی عرب میں کشیدگی بڑھنے لگی، امریکہ کی جانب سے سعودی جمال خشوگی کے قتل کی رپورٹ سامنے آنے کے بعد امریکی صدر جوبائیڈن نے دوٹوک اعلان کیا ہے کہ سعودی عرب کو انسانی حقوق کی پامالیوں کا جواب دینا پڑے گا۔ 

ایک انٹرویو میں امریکی صدر کا کہنا تھا انہوں نے سعودی فرمانروا شاہ سلمان سےگفتگو میں واضح کردیا  ہے کہ اب دونوں ممالک کے تعلقات میں اہم تبدیلیاں آئیں گی۔امریکی میڈیا کے مطابق تبدیلوں کا اعلان کل متوقع ہے، تاہم صدر جوبائیڈن کی یہ دھمکی امریکی انٹیلی جنس  کی اس رپورٹ کے بعد سامنے آئی ہے جس میں امریکی  صحافی جمال خاشوگی قتل کا ذمہ دار سعودی ولی عہد محمد بن سلمان کی ٹھہرایا گیا ہے۔ جبکہ سعودی عرب اس رپورٹ کو مستردکرچکا ہے۔

دوسری جانب  صحافی جمال خاشوگی قتل پر امریکہ کی جانب سے جاری کی گئی رپورٹ پر ترجمان دفترخارجہ کا ردعمل سامنے آگیا۔ترجمان دفتر خارجہ  نے امریکا کی جمال خاشوگی قتل پر انٹیلی جینس جائزہ رپورٹ دیکھی ہے۔

ترجمان دفتر خارجہ زاہد حفیظ چوہدری کا کہنا ہے کہ سعودیہ نے بھی جمال خاشوگی قتل کو "مکروہ جرم"، مملکت کے قوانین، اقدار کی خلاف ورزی" قرار دیا ہے۔ سعودی حکومت نے کہا  ہےکہ معاملے پر ہر ممکن قانونی اقدامات اٹھائےجبکہ سعودی حکومت نے تمام ملوث افراد سے تفتیش سے سزا تک، عدل کے تقاضے پورے کیےہیں۔