اٹارنی جنرل خالد جاوید کورونا کی نئی قسم کا شکار ہو گئے

جی این این کے مطابق اٹارنی جنرل خالد جاوید کورونا کی نئی قسم سارس کوویڈ ٹو کا شکار ہوئے، اور انہوں نے خود کو گھر پر ہی قرنطینہ کیا ہے ۔ ذرائع کے مطابق اٹارنی جنرل کی حالت بہتر ہے جبکہ انہوں نے قوم سے دعاؤں کی اپیل بھی کی ہے۔ 

دوسری جانب پاکستان میں گزشتہ 24 گھنٹوں کے دوران کورونا وائرس کے سبب مزید 23 افراد انتقال کر گئے جبکہ ایک ہزار176 نئے افراد میں کورونا وائرس کی تصدیق ہوئی۔ نیشنل کمانڈ اینڈ کنٹرول سینٹر کے مطابق پاکستان میں کورونا سے اموات کی مجموعی تعداد 12 ہزار 860 تک پہنچ گئی جبکہ متاثرہ افراد کی مجموعی تعداد 5 لاکھ 79 ہزار 973 ہو گئی ہے۔ملک بھرمیں ایکٹو کیسز کی تعداد 21 ہزار836 ہے اور5لاکھ 45ہزار227 افراد کورونا سے صحتیاب ہوچکے ہیں۔

اسلام آباد میں کورونا کیسزکی تعداد 44 ہزار 259، خیبر پختونخوا میں 72 ہزار162، سندھ میں 2 لاکھ 58 ہزار 4، پنجاب میں ایک لاکھ 71 ہزار349، بلوچستان 19 ہزار45، آزاد کشمیر10 ہزار 198 اور گلگت بلتستان میں 4 ہزار 956 افراد کورونا سے متاثر ہوچکے ہیں۔

کورونا کے سبب سب سے زیادہ اموات پنجاب میں ہوئی ہیں جہاں 5 ہزار 350 افراد جان کی بازی ہار چکے ہیں جبکہ سندھ میں 4 ہزار 343، خیبر پختونخوا2 ہزار 72، اسلام آباد496، گلگت بلتستان میں 102، بلوچستان میں 200 اور آزاد کشمیر میں 297 افراد جان کی بازی ہار چکے ہیں۔