سابق بھارتی کرکٹر  کو برطانیہ میں جعلی شناخت رکھنے پر 3 سال قید کی سزا

غیر ملکی خبر رساں ادارے کے مطابق  برطانیہ میں جعلی شناخت رکھنے والے سابق بھارتی کرکٹر کو 3 سال قید کی سزا سنا دی گئی ہے۔ سابق بھارتی کرکٹر ہرشل پٹیل   ویزا کی مدت ختم ہونے پر پچھلے 7 سال سے جعلی شناخت پر رہائش اختیار کیے ہوئے تھا۔سابق بھارتی کرکٹر ہرشل پٹیل 12 سال قبل اسٹوڈنٹ ویزے پر تین سال کے لیے برطانیہ آئے تھے۔

میڈیا رپورٹ کے مطابق ویزا کی مدت ختم ہونے کے بعد سابق بھارتی کرکٹر ہرشل پٹیل نے ملیون ڈیاس نامی برطانوی شہری کی شناخت چرا لی  اور اور 7سال برطانیہ میں رہائش پذیر رہے۔

متاثرہ شہری میلون ڈیاس کواپنی شناخت چوری ہونے کا علم اُس وقت ہوا جب وہ کورونا کی ویکسین لگانے ایک میڈیکل سینٹر گئے  اور انہیں بتایا گیا کہ آپ کی ویکسی نیشن بہت دیر پہلے ہوچکی ہے جس پر وہ حیران رہ گے۔اس کے بعد میلون نے شناخت چوری ہونے کی شکایت پولیس میں درج کرائی جس پر پولیس نے سابق بھارتی کرکٹر کو گرفتار کر کے اسے  مقامی عدالت میں پیش کیا۔سابق بھارتی کرکٹر نے  نے عدالت میں اپنے جرم کا اعتراف کیا۔

ہرشل پٹیل نے جعلی شناخت کیلئے65 ہزار پاؤنڈز خرچ کیے اور   ایک کمپنی میں ملازمت اختیار کر کے 23 ہزار پاؤنڈز کمائے، اس کے علاوہ جعلی شناخت پر شادی کی اور ڈرائیونگ لائسنس بھی بنوایا۔