ٹی ٹوئنٹی ورلڈ کپ کا فائنل آج کھیلا جائے گا 

تفصیلات کے مطابق فائنل میچ پاکستانی وقت کے مطابق  شام 7 بجے دبئی کرکٹ سٹیڈیم میں شروع ہو گا۔  

دونوں ٹیمیں پہلی مرتبہ ٹی ٹوئنٹی ورلڈ کپ کے فاتح کا تاج سر پر سجانے کے لئےمیدان میں اتریں گی، نیوزی لینڈ نے گروپ1 میں  پوائنٹس ٹیبل پر ٹاپ کرنے والی انگلش ٹیم جب کہ آسٹریلیا نے ناقابلِ شکست رہنے والی پاکستانی ٹیم کو شکست دی۔

دوسری جانب فائنل سے قبل نیوزی لینڈ کی ٹیم کو اس وقت بڑا دھچکا لگا جب ان کے ان فارم وکٹ کیپر بیٹر ڈیون کونوے زخمی ہونے کی وجہ سے فائنل سے باہر ہو گئے ہیں۔ 

دونوں ٹیموں کے درمیان اب تک 138 ون ڈے میچز کھیلے گئے جس میں آسٹریلیا نے 92، نیوزی لینڈ نے 39 جیتے اور 7 میچ بے نتیجہ رہے۔