پٹرول کب مہنگا ہوگا؟ مشیر خزانہ شوکت ترین نے بتا دیا

تفصیلات کے مطابق وزیراعظم کے مشیرخزانہ شوکت ترین کا کہنا ہے کہ روپے کی تنزلی میں سٹے بازوں کاہاتھ ہے،سٹے بازوں کے گرد گھیرا تنگ کرنے جارہے ہیں ،ڈالر افغانستان بھی سمگل ہو رہاہے ۔

 شوکت ترین نے کہا کہ پاکستان سے تعاون کرنے پر سعودی عرب کے شگر گزار ہیں اور جلد آئی ایم ایف معاہدے سے متعلق جلد خوشخبری سنیں گے ۔

انہوں نے کہا کہ گھی انڈسٹری میں کارٹلائزیشن ہے ، کمپٹیشن کمیشن کو کہاہے کہ کارروائی کریں ، 3 سال قبل یہ ملک کرائسس کا شکار تھا۔ ملک میں ڈالر نہیں تھے جس کے سبب آئی ایم ایف کے پاس جانا پڑا۔کورونا کی وبا نے معیشت کو مزید نقصان پہنچایا، عالمی سطح پر قیمتیں متاثرہوئیں۔

مشیر خزانہ نے کہا کہ پاکستان میں 15 سے 20 لاکھ سالانہ نئی ملازمتیں چاہئیں ،ملک کو تسلسل کے ساتھ ترقی کی ضرورت ہے یہ عمل 10 تا 30 سال مسلسل جاری رہنا ضروری ہے۔