ملک میں گیس بحران حکومتی نااہلی اور بے حسی کا منہ بولتا ثبوت ہے:شہباز شریف

تفصیلات کے مطابق قومی اسمبلی میں قائد حزب اختلاف میاں شہباز شریف نے ملک میں گیس کے بحران پر اظہار تشویش کرتے ہوئے کہا ہے کہ گیس کی عدم فراہمی اوربحران حکومتی نااہلی اور بے حسی کا منہ بولتا ثبوت ہے۔

شہباز شریف نےحکومت پر سخت تنقید کرتے ہوئے کہا ہے کہ سردی ابھی شروع بھی نہیں ہوئی لیکن گھروں اور کارخانوں کو گیس کی فراہمی معطل ہے۔

انہوں نے دعویٰ کیا کہ ملک میں اس وقت 18 مزید کارگوز کی کھپت ہے لیکن حکومت صرف 10 کارگوز منگوا رہی ہے،انہوں ںے کہا کہ جب سے پی ٹی آئی حکومت میں آئی ہے گیس مہنگی سے مہنگی ہورہی ہے۔

شہباز شریف کا مزید  کہنا ہے کہ ملک، عوام اور معیشت عمران خان کی مزید نا اہلی، کرپشن اوربے حسی کی متحمل نہیں ہوسکتی ہے۔