ٹی ٹوئنٹی ورلڈکپ کا تاج آسٹریلیا نے اپنے نام کرلیا

تفصیلات کے مطابق دبئی کرکٹ اسٹیڈیم میں کھیلے گئے ٹی ٹوئنٹی ورلڈکپ کے فائنل میچ میں آسٹریلیا نے ٹاس جیت کر پہلے باؤلنگ کا فیصلہ کیا۔

نیوزی لینڈ ٹیم نے پہلے کھیلتے ہوئے مقرر 20 اوورز میں  172رنز بنائے اور آسٹریلیا  کو جیت کے لئے 173 رنز کا ہدف دیا تھا۔

آسٹریلیا نے 173 رنز کا ہدف با آسانی 19ویں اوور میں  2 وکٹوں کے نقصان پر پورا کرلیا،مچل مارش 77اور ڈیوڈ وارنر 53 رنز بناکر نمایاں رہے ۔

نیوزی لینڈ کی جانب سے کپتان کین ولیمسن نے 85 رنز  کی جارحانہ اننگ کھیلی،مارٹن گپٹل 28،گلین فلپس 18 جبکہ جیمس نیشام نے ناقابل شکست  13 رنز بنائے۔

آسٹریلیا کی جانب سےجوش ہزلی ووڈ نے 3 وکٹیں حاصل کیں، جبکہ ایڈم زمپا نے 1 وکٹ حاصل کی۔

آسٹریلیا نے 173 رنز کا ہدف با آسانی 19ویں اوور میں 2 وکٹوں کے نقصان پر پورا کرلیا،مچل مارش 77اور ڈیوڈ وارنر 53 رنز بناکر نمایاں رہے ۔

نیوزی لینڈ کے 173 رنز کے ہدف کے تعاقب میں آسٹریلیا کا آغاز اچھا نہ رہا اور15 رنز پر کپتان ایرون فنچ 5 رنز بناکر آؤٹ ہوئے۔

ایک وکٹ گرنے کے بعد ڈیوڈ وارنر اور مچل مارش نے ذمہ داری کا مظاہرہ کرتے ہوئے اپنی ٹیم کیلئے 93رنز کی شراکت داری قائم کی۔

آسٹریلیا کا مجموعی اسکور 107 رنز پر پہنچا تو ڈیوڈ وارنر 53 رنز بناکر بولٹ کی گیند پر بولڈ ہوگئے۔

مچل مارش نے ناقابل شکست اننگز کھیلتے ہوئے 77 رنز کی اننگز کھیلی اور آسٹریلیا کو پہلی بار ٹی ٹوئنٹی چیمپئن بنا دیا۔ جبکہ گلین میکسویل 28 رنز بناکر ناٹ آؤٹ رہے۔

آسٹریلیا کے مچل مارش کو شاندار کارکردگی پر میچ کا بہترین کھلاڑی قرار دیا گیا۔