بنگلہ دیش کا ٹاس جیت کر پاکستان کیخلاف بیٹنگ کافیصلہ

ڈھاکہ : بنگلہ دیش نے پہلے ٹی20 میچ میں  ٹاس جیت کر پاکستان کے خلاف بیٹنگ کا فیصلہ کیا ہے۔ میچ ڈھاکا کے کرکٹ گراؤنڈ کھیلا جا رہا ہے۔

پاکستان اور بنگلادیش کے دیگر 2 ٹی20 میچز20 اور 22 نومبر کو کھیلے جائیں گے۔ گرین شرٹس ٹی20 سیریز کے بعد دو ٹیسٹ میچ بھی کھیلیں گے۔

ٹی20 میچ کے لیے پاکستانی ٹیم کے 12 رکنی اسکواڈ کا اعلان کیا ہے۔ بابراعظم کپتان اور شاداب خان نائب کپتان ہوں گے۔ محمد رضوان، حیدرعلی، محمد نواز اسکواڈ میں شامل ہیں۔

محمد وسیم، شاہین شاہ آفریدی، خوشدل شاہ، فخر زمان، حارث رؤف بھی اسکواڈ کا حصہ ہیں۔ حسن علی اورشعیب ملک بھی میدان میں اتریں گے۔

بابراعظم کا کہنا ہے کہ ورلڈکپ کےمومنٹیم کو جاری رکھ کر سیریز اپنے نام کرنا چاہتے ہیں۔ اس سیریز کے بعد ویسٹ انڈیز کےخلاف میچز بھی ہیں۔ ہم کوشش کریں گے کہ یبنچ پر موجود لڑکوں کو بھی ٹرائی کریں۔ اس مرحلے پر کسی بھی ٹیم کو آسان نہیں لینا چاہتے۔

علاوہ ازیں کپتان بابر اعظم اور آل راؤنڈر شعیب ملک نے کورونا ٹیسٹ منفی آنے کے بعد قومی اسکواڈ کو جوائن کرلیا ہے۔ دونوں کھلاڑیوں نے دیگر پلیئرز کے ہمراہ میچ کے لئے ڈھاکا میں پریکٹس بھی کی۔