پی آئی اے کا سعودی عرب کیلئے فلائٹ آپریشن شروع کرنے کا اعلان

 جی این این کے مطابق پی آئی اے انتظامیہ کی جانب سے  پروازوں کا شیڈول جاری کردیا گیا، پی آئی اے یکم دسمبر سے سعودی عرب کیلئے ہفتہ وار 35پروازیں آپریٹ کرے گی ،پروازیں جدہ،مدینہ، ریاض،دمام اور الکسیم کیلئے روانہ ہوں گی۔

 پی آئی اے انتظامیہ کا کہنا ہے کہ  پروازیں کراچی،لاہور،ملتان،اسلام آباداور پشاورسے  روانہ ہوں گی ۔  پی آئی اے نے سعودی عرب کیلئے بکنگ کا آغاز کردیا ہے ۔  

مکہ مکرمہ:عمرہ زائرین اور طواف کرنے والوں کیلئے بڑی خوشخبری          

25 نومبر کو سعودی حکو مت نے پاکستان سمیت 6 ممالک کے مسافروں کو براہ راست مملکت میں داخلے کی اجازت دینے کا اعلان کیا تھا ۔ 

سعودی وزارت داخلہ کی جانب سے جاری بیان  کے مطابق کورونا وائرس کے حوالے سے احتیاطی تدابیر کے سبب پاکستان اور انڈیا سمیت انڈونیشیا، ویتنام، مصر اور برازیل سے ایسے مسافروں، جنہوں نے مملکت میں ویکسین کی دونوں خوراکیں نہیں لگوائی تھیں، کو براہ راست مملکت آنے کی اجازت نہیں تھی۔

پاکستان سمیت مذکورہ ممالک سے آنے والے مسافروں کو یکم دسمبر 2021 بروز بدھ سے براہ راست مملکت آنے کی اجازت ہوگی۔ مذکورہ ممالک سے آنے والے مسافروں کو پانچ  دن قرنطینہ میں گزارنے ہوں گے خواہ انہوں نے اپنے ممالک میں کورونا ویکسین لگوائی ہو اور تمام مسافروں کو مقررہ ضوابط کی پابندی کرنا ہوگی۔ 

یہ بھی پڑھیں : لاہور میں ٹریفک حادثہ ،2 نوجوان جاں بحق