تین سالہ بچے کا گلہ کاٹنے والی خاتون گرفتار

(رپورٹر : شہزاد نوید )

پولیس کے مطابق چوبیس فروری کو تین سالہ محمد حسان کا گلہ تیز دھار آلے سے کاٹا گیا تھا ۔ امجد علی نے پولیس کو بتایا تھا اُس کا بیٹا اپنی بہن کے ساتھ گھر کے قریب مدرسہ میں گیا ہوا تھا جہاں سے بچہ زخمی حالت میں پایا گیا تھا، واقع کا نوٹس لیتے ہوئے ضلعی پولیس سربراہ دلاور خان بنگش نے ایس پی انوسٹی گیشن نذیر خان کو فوری طور پر اصل حقائق معلوم کرنے اور ملزمہ کو ٹریس کرنے کا ٹاسک سونپ دیا۔ 

ایس پی انوسٹی گیشن نذیر خان نے واقعے کی تحقیقات کے لیے تفتیشی ٹیم تشکیل دی، جس نے جدید سائنسی ٹیکنالوجی کی مدد سے اصل ملزمہ تک رسائی حاصل کی۔ ملزمہ نے دوران تفتیش انکشاف کرتے ہوئے کہا کہ اُس نے ایک شادی رکوانے کے لئے یہ اقدام اُٹھایا ، پولیس کا کہنا تھا کہ ملزمہ سے تیز دھار والا آلہ بھی برآمد کر لیا گیا ۔