زرتاج گل اورامین اسلم پر لڑائی کے الزام پروزیراعظم برہم

تفصیلات مطابق وزیراعظم نے پبلک اکائونٹس کمیٹی میں حکومتی ارکان کی تفصیلات مانگتے ہوئے کمیٹی میں حکومتی ارکان کی فہرست پرنظرثانی کا فیصلہ کرلیا ہے۔

وزیراعظم پبلک اکائونٹس کمیٹی کے ارکان کی فہرست کا خود جائزہ لیں گے جب کہ ریاض فتیانہ کی کمیٹی کی رکنیت بھی خطرے میں پڑ گئی ہے۔

خیال رہے کہ پی ٹی آئی رکن اسمبلی ریاض فتیانہ کو پارٹی کی احتساب و انصباطی کمیٹی کی تحقیقات کا بھی سامنا ہے۔

ریاض فتیانہ کا کہنا ہے کہ وزیر اعظم کا وژن ہے کریشن پر کسی کو معافی نہیں، میں نے حکومت یا کسی فرد کیخلاف بات نہیں کی، ہم ملک سے کریشن کا خاتمہ چاہتے ہیں۔

ان کا کہنا تھا کہ حکومت کا پیسہ ہو یا ڈونرز کا صحیح جگہ پر خرچ ہونا چاہیے، یہ نہیں ہوسکتا کہ سارے خاندان کو بزنس کلاس میں لے جا کر بڑے ہوٹلوں میں ٹھہرائیں اور سیرسپاٹے کریں۔