نوجوان نے لڑکی کو گولی مار کر خود کشی کرلی

تفصیلات کے مطابق  کراچی میں نوجوان نے پہلے لڑکی کو گولی ماری اور پھرخودکشی کرلی ۔  واقعہ ایم اے جناح روڈ پر تاج میڈیکل کمپلیکس کے قریب  پیش آیا۔ نوجوان کی گولیوں کا نشانہ بننے والی لڑکی خوش قسمتی سے بچ گئی مگرخودکشی کرنے والا نوجوان جانبر  نہ  ہوسکا۔ فائرنگ کی اطلاع پرپولیس موقع پر پہنچی اور زخمی خاتون کو اسپتال منتقل کیا ۔ ہلاک ہونے والے لڑکےکی شناخت 20 سالہ ملک شاہ زیب کے نام سے ہوئی ۔

 واقعہ کی سی سی ٹی وی فوٹیج میں خاتون کو گاڑی کے قریب جاتے دیکھے جاسکتا ہے ۔  جہاںمتوفی شاہ زیب پہلے سے موجود تھا ۔ خاتون کے آتے ہی شاہ زیب نے فائرنگ شروع کردی ۔جس سے لڑکی زخمی ہو کر گرپڑی جبکہ شاہ زیب خود کو بھی گولی مار لیتا ہے۔متوفی کے شاہزیب کے شناختی کارڈ پرچکوال کا پتہ درج ہے جبکہ فائرنگ سے زخمی  لڑکی ایمان انٹرسٹی بس سروس  میں بس ہوسٹس کی نوکری کرتی تھی  ۔

 ایمان نے اپنے ابتدائی بیان میں بتایا کہ شاہ زیب مجھ سےزبردستی شادی کرنا چاہ رہا تھا ، آج دفترسے باہر نکلی تو وہ پہلے سے ہی باہر موجودتھا ۔ مجھے دیکھتے ہیں اس نے فائرنگ کردی ۔ ادھر پولیس کو جائے وقوع سے پستول بھی ملاہے جسے فارنسک ٹیسٹ کے لیئے بھیجا جائے گا۔