دوسرا ٹیسٹ، پاکستان کے دوسرے سیشن میں 113 رنز ، دو کھلاری آؤٹ

ڈھاکہ ؛ بنگلہ دیش میں کھلینے جانے والے دوسرے ٹیسٹ میچ میں پاکستان نے میزبان ٹیم  کے خلاف بیٹنگ کا آغاز کر دیاہے اور ٹیسٹ میچ کے دوسرے سیشن میں  دو وکٹوں کے نقصان پر 113رنز بنا لیے ہیں ۔

تفصیلات کے مطابق پاکستان نے ٹاس جیت کر پہلے بیٹنگ کا فیصلہ کیا جس پر عابد علی اور عبداللہ شفیق نے میدان میں اتر کر کھیل کا آغاز کیا لیکن دوسرے ٹیسٹ میں پارٹنر شپ زیادہ لمبی نہ چل سکی اور عبداللہ شفیق 25 رنز بنا کر تاج السلام کی گیند پر بولڈ ہو گئے ۔ اوپننگ پر آنے والے عابد علی بھی اس مرتبہ کمال نہ دکھا سکے اور صرف 39 رنز بنا کر تاج السلام کی گیند پر بولڈ ہو گئے ۔ اس وقت بابراعظم 30 رنز جبکہ اظہر 18 رنز پر بیٹنگ کررہے ہیں ۔ 

پاکستان کی ٹیم میں عابد علی ، عبداللہ شفیق، اظہر علی، بابراعظم ، فواد عالم ، محمدرضوان، فہیم اشرف، حسن علی ، ساجد خان ، نعمان علی ، شاہین شاہ آفریدی شامل ہیں ۔ بنگلہ دیش کی ٹیم میں شادمان اسلام، محمدالحسن ، نجم الحسین شانتو، مومن الحق، شکیب الحسن ، مشفیق ارحیم ، لٹن داس، مہدی حسن ، تاج السلام ، خالد احمد، عبادت حسین شامل ہیں ۔