پی ڈی ایم اسلام آباد میں دھرنا دینے سے پیچھے ہٹ گئی، ذرائع 

تفصیلات کے مطابق  پاکستان ڈیموکریٹک موومنٹ (پی ڈی ایم)  کا مولانا فضل الرحمن کی زیر صدارت اجلاس  ہوا۔ذرائع کا کہنا ہے کہ پی ڈی ایم اسلام آباد میں دھرنا دینے سے پیچھے ہٹ گئی ہے، مسلم لیگ ن اور دیگر جماعتوں کی اسلام آباد میں ایک روزہ شو کرنے کی تجویز دی ہے۔

مسلم لیگ ن اور دیگر جماعتوں نے دائے دی ہے کہ  اسلام آباد میں بھرپور انداز میں احتجاجی جلسہ کیا جائے۔ذرائع کے مطابق ملک بھر سے کارکنان کو جلسہ کے لئے فوری متحرک کرنے کی تجویز دی گئی ہے،سربراہ پی ڈی ایم مولانا فضل الرحمان اسمبلیوں سے فوری استعفوں پر بضد ہیں۔

ذرائع کا کہنا ہے کہ سربراہ پی ڈی ایم مولانا فضل الرحمان نے اجلاس میں سخت موقف اختیار کیا ،انہوں نے کہا کہ اسمبلیوں سے استعفے دیگر عوام کے ساتھ کھڑے ہونا چاہے، اگر آج کوئی فیصلہ نہیں ہوتا تو پی ڈی ایم کی تحریک کا کیا فائدہ ہوگا،  مولانا فضل الرحمان نے پی ڈی ایم سربراہی سے مستعفی ہونے کی دھمکی بھی دی۔ان کا کہنا تھا کہ  فیصلہ کریں ورنہ میں سربراہی سے مستعفی ہوتا ہوں۔

ذرائع کے مطابق  پی ڈی ایم استعفوں کے معاملہ پر ایک بار پھر تقسیم ہوگئی ہے۔شہباز شریف کا موقف  تھا کہ   اتفاق رائے سے فیصلہ ہونا چاہیں۔