ڈھاکہ ٹیسٹ : بنگلہ دیش نے دوسری اننگز میں 4وکٹوں کے نقصان پر 25 رنز بنا لیے

لاہور : ڈھاکہ ٹیسٹ میں پاکستانی باؤلرز نے بنگلہ دیش کو فالوآن کے بعد دوسری اننگز میں بھی سنبھلنے کا موقع نہیں دیا ۔ 

دوسری اننگز میں بنگلہ دیش کے 4 کھلاڑی صرف 25 رنز ہی جوڑ سکیں ہیں ۔ دوسری اننگز میں بنگلہ دیش کے شادمان اسلام صرف دو رنز بنا کر شاہین شاہ کی بال پر ایل بی ڈبلیو آؤٹ ہوگئے ۔ محمد حسن کو حسن علی نے شکار کیا ۔ جبکہ مومن الحق بھی حسن علی کا شکار ہوئے ۔

اس سے قبل ڈھاکہ ٹیسٹ میچ  میں پاکستان نے بنگلہ دیش کو فالو آن کرادیاتھا۔   بنگلہ دیش کی پوری ٹیم پہلی اننگز میں 87رنز بناکر آوٹ ہو گئی۔

ڈھاکہ ٹیسٹ میچ میں بنگلہ دیش  نے فالوآن کے بعد دوسری اننگز میں بیٹنگ شروع کردی۔ بنگلہ دیش کو اننگز کی شکست سے بچنے کے لیے 213 رنز  درکار ہیں  ۔ بنگلہ دیش کو اب پاکستان کی برتری ختم کرنے کے بعد پاکستان کو ہدف دینا ہو گا۔

پہلی اننگز میں آف اسپنر ساجد خان نے بنگلہ دیش کی بیٹنگ لائن اڑا کر رکھ دی۔  ساجد خان نے  10 میں سے 8 وکٹیں حاصل کیں۔ میزبان ٹیم کے 9  کھلاڑی ڈبل فگر میں داخل نہ  ہوسکے۔

بنگلہ دیش کی طرف نے شکیب الحسن نے سب سے زیادہ 33 رنز بنائے جبکہ نجم الحسن نے 30 رنز جوڑے۔

یاد رہے کہ پاکستان نے کھیل کے چوتھے روز پہلی اننگز300 رنز 4 کھلاڑی آوٹ پر ڈکلیئر کر دی تھی۔ پاکستان کے بابر اعظم، اظہر علی، فواد عالم اور محمد رضوان نے نصف سنچریاں بھی اسکور کیں۔