ڈھاکہ ٹیسٹ: پاکستان نے بنگلہ دیش کو ایک اننگز اور 8 رنز سے شکست دیکر کلین سوئپ کردیا

تفصیلات کے مطابق  پاکستان نے تاریخ رقم کر دی۔ بنگلا دیش کو اس کی سرزمین پر ٹیسٹ سیریز میں شکست دے دی۔ پاکستان نے دو ٹیسٹ میچوں کی سیریز اپنے نام  کر لی۔ ڈھاکا کے شیر بنگلا کرکٹ اسٹیڈیم میں کھیلے جا رہے میچ میں بنگلا دیش کی ٹیم دوسری اننگز  میں 205 رنز پر آؤٹ ہو گئی۔

دوسری اننگز میں بنگلہ دیش کی جانب سے شکیب الحسن نے 63 رنز بنا کر ٹاپ اسکورر رہے،جبکہ مشفیق الرحیم  رن آؤٹ ہوئے اور انہوں نے 48 رنز بنائے۔

پاکستانی باؤلرز نے شاندارکارکردگی دکھا کر بارش سے متاثر مردہ میچ میں جان ڈال لی۔ پہلی اننگز میں بنگلادیش کو فالوآن کرایا۔ دوسری میں بھی نہ چلنے دیا۔ٹاپ آرڈر آتے ہی پویلین لوٹ گیا۔ 

ساجد خان نے ایک ٹیسٹ میں بارہ  وکٹیں حاصل کیں اور وہ پاکستان کی جانب سے ایک ٹیسٹ میچ میں 12 وکٹیں لینے والے پہلے پاکستانی آف اسپن بولر بن گئے ہیں۔  شاہین آفریدی اور حسن علی کی دوسری اننگز میں دو ،دو وکٹیں۔ کپتان بابراعظم نے بھی باؤلنگ کرائی۔ ایک اوور کرایا ایک وکٹ حاصل کی۔