لیجنڈ فٹ بالر پیلے ایک بار پھر ہسپتال داخل 

برطانوی نشریاتی ادارے  کے مطابق تین  بار  فٹبال ورلڈ کپ جیتنے والے  پیلے کی طبیعیت ایک بار پھر ناساز ہوگئی ، لیجنڈ فٹبالر  کو  بدھ کے روز ساؤپالو  کےمقامی اسپتال میں بڑی آنت کے ٹیومر کے علاج کیلئے لایا گیا ۔

خیال رہے کہ پیلے کی رواں سال ستمبر میں بڑی آنت کے ٹیومر کو نکالنے کے لیے سرجری ہوئی تھی۔ تاہم اب اسپتال حکام کا کہنا ہے کہ پیلے کو اس بار کیموتھراپی  بھی کرانی پڑے گی۔ حکام کے مطابق پیلے کی حالت اب ٹھیک ہے اور انہیں کچھ روز میں اسپتال سے ڈسچارج کردیا جائے گا۔

Pele is in hospital to undergo treatment for a colon tumour, Sao Paulo's Hospital Albert Einstein has confirmed. pic.twitter.com/jVZlspryYE

— ESPN FC (@ESPNFC) December 8, 2021

واضح رہے کہ دنیا میں فٹ بال کے بہترین کھلاڑی تصور کیے جانے والے پیلے کچھ سالوں سے صحت کے مسائل میں گھرے ہیں اور کئی بار اسپتال داخل ہو چکے ہیں۔

تین ورلڈ کپ (1958، 1962 اور 1970) جیتنے والے تاریخ کے واحد کھلاڑی 1968 میں 17 سال کی عمر میں دنیا کی توجہ کا مرکز بنے تھے جب فائنل میں انھوں نے میزبان سیوڈن کے خلاف دو گول کیے۔

 1977 میں ریٹائر ہونے سے قبل وہ  92 میچز میں 77 گول کرنے کے ساتھ برازیل کے اب تک کے سب سے زیادہ گول کرنے والے کھلاڑی ہیں ۔