معروف امریکی گلوکارہ رونی سپیکٹر انتقال کر گئیں

معروف امریکی پاپ  گلوکار ہ رونی سپیکٹر کینسر سے جنگ لڑتے ہوئے زندگی کی بازی ہار گئیں  ۔ رونی سپیکٹر 1960 کی دہائی میں رونیٹس کے مرکزی گلوکار کی حیثیت سے مشہور ہوئیں  ۔

امریکی گلوکارہ 10 اگست 1943 کو پیدا ہوئیں ، ان کی والدہ  افریقی امریکن اوروالد  آئرش امریکی  تھے ۔انہوں  نے اپنی بہن ایسٹل بینیٹ اور کزن نیدرا ٹلی کے ساتھ میوزیکل گروپ بنایا ، جو نیو یارک کے علاقے میں دیکھتے ہی دیکھتے دلفریب گانوں کے ساتھ مقبولیت حاصل  کرگیا ۔ رونیٹس بینڈ  1967 میں یورپی کنسرٹ ٹور کے بعد الگ ہوگیا ۔ ان کے کامیاب پراجیکٹس میں  "بی مائی بے بی " شامل ہیں۔

0 7کی دہائی کے وسط میں رونی سپیکٹر نے سولو آرٹسٹ کے طور پر ایک نئے کیریئر کا آغاز کیا تھا۔ اگرچہ وہ پھر کبھی اپنے 60 کی دہائی کے اس عروج  تک دوبارہ  نہیں پہنچیں ، لیکن  1986  میں  ا یڈی منی کے ساتھ   ہٹ ٹریک  "ٹیک می ہوم ٹونائٹ"  سے انہیں دوبارہ مقبولیت ملی ۔

1968 میں رونی نے فل اسپیکٹر سے شادی کی، جو کبھی راک 'این' رول کے بہترین  پروڈیوسرمیں شمار ہوتے تھے لیکن یہ شادی صرف 6برس چل سکی ۔  1982 میں رونی نے جوناتھن گرین فیلڈ سے دوسری شادی کی  جن سے ان کے دوبیٹے ہیں ۔