کراچی :  کورونا کے مثبت کیسز کی شرح میں خطرناک اضافہ 

محکمہ صحت سندھ کے مطابق کراچی میں گزشتہ 24 گھنٹوں کے دوران  کورونا کے  2081  نئے کیسز رپورٹ ہوئے اور مثبت کیسز کی شرح 28.8 فیصد رہی۔

کراچی میں  گزشتہ روز کورونا کی تشخیص کے لیے 7226  ٹیسٹ کیے گئے ۔ شہر میں اومی کرون ویرینٹ کے 95 فیصد سے زائد کیسز ہیں۔

اس بارے سندھ حکومت  کاکہنا ہے کہ   اسپتالوں میں ابھی تک مریض بڑھنا شروع نہیں ہوئے اس لیے کوئی پابندیاں نہیں لگا رہے، ملکی معیشت اس قابل نہیں ہے کہ پابندیاں لگائیں ۔ 

دوسری جانب لاہور میں کورونا کی شرح 9.63 فیصد تک ہوگئی ہے جبکہ اسلام آباد میں کورونا کی شرح 5.53 فیصد ہوگئی ۔ 

خیال رہے کہ ملک میں کورونا کی پانچویں لہر جاری ہے اور مثبت کیسز کی شرح میں ایک بار پھر اضافہ ہونے لگا ہے ۔ گزشتہ 24 گھنٹوں کے دوران ملک میں کورونا کے 3567 کیسز رپورٹ ہوئے اور شرح 7.36 فیصد ریکارڈ کی گئی ۔  ملک بھر میں  چوبیس گھنٹے کے دوران  48ہزار449 ٹیسٹ کئےگئے ہیں ۔ پاکستان میں کوروناکے675مریضوں کی حالت تشویشناک ہے ۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔