مری کو سیاحوں کی آمد رفت کے لیے بند کر دیا گیا

تفصیلا ت کے مطابق  مری کو سیاحوں کی آمد رفت کے لیے بند کر دیا گیا ہے۔ترجمان ٹریفک پولیس کا کہنا ہے کہ  مری میں سیاحوں کی 1 ہزار202 گاڑیاں داخل ہوئیں،  مری میں مقامی افراد ،سرکاری گاڑیاں ، راشن اور پٹرول کی گاڑیوں کو اجازت ہوگی۔ صبح 8 سے 5 تک مری میں سیاحوں کو داخلے کی اجازت دی گئی ہے ۔

قبل ازیں  کمشنر راولپنڈی نے مری میں سیاحوں کے داخلے سے متعلق شرائط واضح کردی تھیں اور اس حوالے سے نوٹی فکیشن بھی جاری کردیا تھا۔

ضلعی انتظامیہ کی جانب سے جاری کردہ نوٹی فکیشن کے مطابق مری میں اب سے روزانہ صرف 8 ہزار گاڑیوں کو داخلے کی اجازت ہوگی۔اس کے علاوہ مری میں شام 5 بجے سے صبح 5 بجے تک سیاحوں کے داخلے پر پابندی ہو گی۔