سندھ حکومت کا ماسک نہ پہننے والے سرکاری ملازمین کی تنخواہ کاٹنے کا اعلان

تفصیلات کے مطابق  کورونا  کے  مریضوں کی تعداد میں اضافے  کے بعد صوبائی حکومت نے اہم اعلان کیا ہے۔سندھ حکومت کے اعلان کے مطابق  جو سرکاری ملازمین ماسک نہیں پہنیں گے ان کی ایک دن کی تنخواہ کاٹی جائے گی۔

دوسری جانب  وزیراعلیٰ سندھ سیدمراد علی شاہ نے کورونا وائرس کی صورتحال سے متعلق بیان  میں کہا ہے کہ گزشتہ 24 گھنٹوں میں15172نمونوں کی جانچ کی گئی،  گزشتہ 24 گھنٹوں میں مزید2670نئے کیسز  اور 3  اموات رپورٹ ہوئیں۔

 وزیراعلیٰ سندھ  کا کہنا ہے کہ  اموات کی مجموعی تعداد7697  ہے، آج مزید119مریض صحتیاب ہوئے ہیں، صحتیاب افراد کی مجموعی تعداد472125ہوچکی ہے۔انہوں نے کہا کہ اب تک7350313نمونوں کی جانچ کی جاچکی ہے،  اب تک498285کیسزرپورٹ ہوچکے ہیں،  اس وقت21133مریض زیر علاج ہیں۔

مراد علی شاہ کا مزید کہنا تھا کہ  20850 گھروں میں،26آئسولیشن سینٹرز میں اور257مریض مختلف اسپتالوں میں زیر علاج ہیں۔ 237مریضوں کی حالت تشویشناک بتائی گئی ہے،  19 مریض وینٹی لیٹرز پر ہیں، صوبے کے2670نئے کیسز میں سے2348کا تعلق کراچی سے ہے۔