ملک میں دوبارہ دہشتگردی کاخطرہ ہے : شیخ رشید

تفصیلات کے مطا بق اسلام آباد میں میڈیا سے گفتگو کرتے ہوئے وفاقی وزیر داخلہ شیخ رشید احمد نے کہاکہ کل راولپنڈی اور اسلام آباد میں دہشت گردی کے 2 واقعات ہوئے، دونوں جگہ ایک ایک افسر شہید ہوا ہے، اس ملک میں ہماری افواج اور پولیس نے اپنی شہادتوں سے دہشت گردوں کو شکست دی ہے ۔ہماری عظیم افواج اور عظم پولیس نے اپنی جانوں کا نظرانہ پیش کر کے ہمارے لیے ایک امن کی فضا قائم کی ہے، اپنی جانوں کی پروا کیے بغیر فوج اور پولیس امن و امان کے مسئلے کو اور ہماری زندگی کو آسان بناتی ہیں.

وزیرداخلہ نے کہاکہ افغانستان سے ٹی ٹی پی آرگنائز ہو رہی ہے، راولپنڈی، اسلام آباد ، پشاور اور کراچی میں تھریٹ ہے، کل بھی ہماری افواج نے 5 دہشت گرد ہلاک کیے ہیں ، امن کی  فضا بحال ہو گی،   اللہ کو منظور ہوا تو دہشتگردی کو جڑ سے اکھاڑیں گے۔

شیخ رشید نے مزید کہاکہ ناکوں کی وجہ سے غریبوں کو تنگ کیا جاتا ہے ،  میں 3ناکیں ختم کرنے جا رہا ہوں، ہماری افواج اور سیکورٹی ادارے چوکس ہیں ، سیکورٹی کیلئے وفاقی حکومت سے ایک ارب کا پیکج مانگا ہے اگر یہ پیکج ملا تو باقی ناکے بھی  ختم کردیں گے ۔ انہوں نے کہا کہ  جو کچھ اسمبلی کے  سامنے ہوا ، برا ہوا، اس کی پرزور مذمت کرتے ہیں۔ میں قائدین سے توقع رکھتا ہوں  کہ جہاں  پریس کانفرنس  کی جگہ تھی وہاں کرتے۔  سرکاری ملازمین کی تنخواہوں میں اضافہ کررہے ہیں  ،آئی جی کے ساتھ رابطے میں ہوں، ہم نے  تمام ملازمین کے ساتھ  مل کر   معاملات طے کیے ہیں ۔