پنجاب حکومت کا پندرہ مئی کو بلدیاتی انتخابات کروانے کا اعلان

تفصیلات کے مطابق وزیر بلدیات میاں محمود الرشید کا کہنا تھا کہ حکومت پنجاب نے بلدیاتی نتخابات کے انتظامات کو حتمی شکل دینے کیلئے خصوصی پلان ترتیب دے دیا ، پندرہ مئی کو بلدیاتی انتخابات ہونے جارہے ہیں۔

ان کا کہنا تھا کہ ہماری کوشش ہے کہ نئی لوکل گورنمنٹ کو مقامی حکومتوں کا با اختیار نظام دیں،اس سے پہلے کسی بھی حکومت نے بلدیاتی اداروں کو کام نہیں کرنے دیا۔ 

ان کا مزید کہنا تھا کہ اداروں کے پاس اختیارات نہیں تھےارکان اسمبلی اور وزراء وہ کام کررہے ہیں جو بلدیاتی اداروں کا کام ہے ، وہ کبھی فنڈز کے پیچھے اور کبھی ٹھیکیدار کے پیچھے ہوتے ہیں،ہمارا اصل کام عوامی مسائل کا حل اور قانون سازی ہے۔