ذبح خانے میں گدھے کٹنے کی اطلاع نے پولیس کی دوڑیں لگوادیں

تفصیلات کے مطابق  ذبح خانے میں گدھے کٹنے کی اطلاع نے پولیس کی دوڑیں لگوادیں ،  نارتھ کراچی میں کسی شہری نے ون فائیو کمیلے پر گدھوں کاٹنے کی اطلاع دی تھی۔

تاج محل ہال کے قریب کمیلے کی فوٹیج سوشل میڈیا پر بھی وائرل ہوئی تھی ،  فوٹیج میں کمیلے کے باہر سات سے آٹھ گدھے بندھے نظر آرہے تھے ۔

ایس ایس پی سینٹرل کا کہنا ہے کہ  کسی شہری نے غلط فہمی کی بنا پر اطلاع دی تھی، کمیلے پر بندھے گدھے مزدوروں کے تھے ، جو آلائشیں اٹھاتے ہیں۔

پولیس کا کہنا ہے کہ   گوشت کو چیک کیا گیا ، گوشت گائے کا ہی ہے ،  گائے شادی کی تقریب کے لیے کاٹی جارہی تھی ،  گائے کے سری پائے بھی برآمد کرلیے گئے ، رات کو پانچ افراد کو حراست میں لیا تھا کلیئرنس کے بعد چھوڑ دیا گیا ہے۔