لاہور سمیت کراچی ، اسلام آباد اور پشاور  کو سیکیورٹی  تھریٹس، ریڈ الرٹ جاری کردیا گیا، شیخ رشید

وزیر داخلہ شیخ رشید نے  کہا ہے کہ انارکلی دھماکے سے انسانی جانوں کے ضیاع پر انتہائی دکھ ہوا ، زخمی ہونے والے افراد کی جلد صحتیابی کے لئے دعاگو ہوں۔انہوں نے کہا کہ   پنجاب حکومت سے انارکلی دھماکے کی رپورٹ طلب کر لی ہے۔

وفاقی وزیر داخلہ نے کہا کہ کچھ واقعات ایسے ہوئیں جس کا ری ایکشن متوقع تھا، دہشتگرد ملک میں عدم استحکام چاہتے ہیں، ٹی ٹی پی کے کچھ لوگ مارے گئے ہیں جس کا ری ایکشن ہو سکتا ہے۔انہوں نے کہا کہ  ہر قسم کی صورتحال سے نمٹنے کے لیے تیار ہیں۔

وزیر داخلہ کا مزید کہنا تھا کہ  لاہور، پشاور، کراچی اور اسلام آباد میں ریڈ الرٹ تھا، چاروں شہروں میں سکیورٹی بڑھائی گئی ہے اور ریڈ الرٹ جاری کیا گیا ہے۔ اس قسم کے واقعات اب انھوں نے پاکستان میں کرنے ہیں لیکن ان کو انجام کو پہنچائیں گے۔