بابراعظم آئی سی سی مینزون ڈے ٹیم آف دی ایئر کے کپتان مقرر 

تفصیلات کے مطابق آئی سی سی نے اس ٹیم کے لیے  ان کھلاڑیوں کا انتخاب کیا ہے جنہوں نے گزشتہ سال کے دوران کہیں بلے بازی تو کہیں گیند بازی سے کمالات دکھائے۔

آئی سی سی مینز ون ڈے ٹیم آف دی ایئر  کا کپتان پاکستان کے بابر اعظم کو مقرر کیا گیا ہے،بابر اعظم گزشتہ سال 6 میچوں میں  67.50کی اوسط سے دو سنچریوں کے ساتھ 405 رنز بنانے میں کامیاب رہے۔

بابر اعظم نے  پاکستان ٹیم کے جنوبی افریقا اور انگلینڈ کےدوروں کے دوران بہترین کاکردگی دکھائی جس پر بابر کو پلیئر آف دی میچ  سے بھی نوازا گیا۔

آئرلینڈ کے کھلاڑی پال اسٹرلنگ کو 2021 میں ون ڈے کرکٹ میں  سب سے زیادہ  رنز بنانے کا اعزاز حاصل ہے،پال نے صرف 14 میچوں میں 79.66رنز کی اوسط سے  3   سنچریاں جب کہ دو نصف سنچریاں بنائیں۔

جینمن ملن نے 2021 کے دوران  جنوبی  افریقا کے لیے  ٹاپ آرڈر بیٹسمین کے طور پرنمایاں کارکردگی دکھاتے ہوئے ٹیم  میں جگہ بنائی،ملن نے8  میچوں میں 84.83 کی اوسط سے  2 سنچریوں اور 2 نصف سنچریوں کی مدد سے 509 رنزاسکور کیے۔

آئی سی سی ٹیم آف دی ایئر میں شامل ون ڈے کرکٹ کے نامور کھلاڑیوں میں فخر زمان کا بھی انتخاب کیا گیا ہے،فخرنے 2021 کے دوران  6 میچوں میں 60.83 رنز کی اوسط سے 365 رنز بنائے جس میں دو سنچریاں بھی شامل تھیں۔

جنوبی افریقی  بیٹسمین راسی وین ڈیر ڈوسن  2021 کے دوران  افریقی ٹیم کے لیے ون ڈے کرکٹ فارمیٹ میں مضبوط چٹان کی مانند ثابت ہوئے،راسی نے اپنی بہترین کارکردگی سے 8 میچز میں 57 رنز کی اوسط سے 342 رنز اسکور کیے۔

بنگلا دیش کے تجربہ کاراور مایہ ناز آل راؤنڈرشکیب الحسن  بھی اس ٹیم میں جگہ بنانے میں کامیاب ہوئے،انہوں نے  9 میچوں میں دوسنچریوں اور 39.57 رنز کی اوسط سے 277 رنز بنائے،شکیب الحسن  نے 17.52 کی اوسط سے 17 وکٹیں بھی حاصل کیں۔

بنگلا دیش کے ایک اور کھلاڑی  مشفق  الرحیم نے  2021 میں 9 میچ کھیلتے ہوئے ایک سنچری کے ساتھ 58.14 کی اوسط سے 407 رنز بنائے۔ 

سری لنکا ہسرنگا نے گزشتہ سال کے دوران  14 میچز میں 3  نصف سنچریوں کے ساتھ 27.38 کی اوسط سے 356 رنز بنائے اور 4.56 کی اکانومی سے 12 وکٹیں حاصل کیں۔  

بنگلہ دیشی کھلاڑی مستفیزالرحمٰن نےشاندار کارکردگی کے ذریعے 2021 میں  بھی ون ڈے کرکٹ میں راج کیا،انھوں نے 10 میچوں میں 21.55 کی اوسط سے 18 وکٹیں حاصل کیں۔ 

آئرلینڈ ٹیم کے آل راؤنڈر کھلاڑی سیمی سنگھ  نے 2021 میں 13 میچوں میں 20.15  کی اوسط سے  19 وکٹیں حاصل کیں جبکہ  46.66 کی اوسط سے 280 رنز بھی بنائے جس میں ایک سنچری اور ایک نصف سنچری شامل تھی۔

Power-hitters, terrific all-rounders, fiery pacers ?

The 2021 ICC Men's ODI Team of the Year has all the bases covered ? pic.twitter.com/R2SCJl04kQ

— ICC (@ICC) January 20, 2022