مغربی گھانا میں  دھماکے سے 17 افراد ہلاک، 59 زخمی

غیر ملکی خبررساں ادارے کے مطابق ابتدائی اطلاعات میں بتایا گیا ہے کہ  پولیس اور فوج کوہنگامی صورتحال سے نمٹنے کیلئے طلب کرلیا گیا ہے جبکہ  ماہرین کی ایک ٹیم کو "دوسرے دھماکے سے بچنے اور جائے وقوعہ کو محفوظ بنانے کے لیے تعینات کیا گیا تھا۔

ملک کے صدر کی جانب سے  گھانا کی ڈیزاسٹر مینجمنٹ ایجنسی کو  لوگوں  کو جلداز جلد ریلیف" پہنچانے کا کام سونپا گیا ہے۔

حکام  کے مطابق  59 زخمیوں میں سے 42 ہسپتالوں  میں  زیر علاج ہیں اور کچھ کی حالت تشویشناک ہے۔  ابتدائی  اطلاعات میں کہا جارہاہے کہ واقعہ کوئی حادثہ معلوم ہوتا ہے کیونکہ   کان کنی کمپنی کا دھماکہ خیز مواد سے بھرا ٹرک ، موٹر سائیکل اور ایک گاڑی  سے جاٹکرایا ۔ 

مقامی میڈیا کی طرف سے شیئر کی گئی تصاویر میں تباہ شدہ عمارتوں اور بکھرے ہوئے ملبے کے اوپر سے سیاہ دھویں کے بادل  واضح دکھائی دے رہے ہیں ۔ مزیدبراں  سڑک کے ساتھ ایک بڑا گڑھا بھی دیکھا جا سکتا ہے۔ گرافک ویڈیوز میں متاثرین کی مسخ شدہ لاشیں  بھی دکھائی گئیں ہیں ۔

غیر ملکی میڈیا کے مطابق علاقے کو گھیرے میں لے کر امدادی کارروائیاں جاری ہیں ۔