معروف فیشن ڈیزائنر تھیری مُگلر انتقال کرگئے 

تفصیلات کے مطابق 80 کی دہائی میں فیشن کی دنیا پر راج کرنیوالے  ڈیزائنر  اپنے شاندار ملبوسات  کی وجہ سے جانے جاتے تھے اور  بلاک بسٹر  فیشن شوز  ان کی پہچان تھے ۔ 

مگلر نے  اس دہائی   میں فیشن اور ملبوسات کو ایک نئی مضبوط جہت دی  ، ان  کے ملبوسات میں  نفاست     نمایاں تھے۔ انہوں نے ایک بار کہا کہ  میں نے ہمیشہ سوچا کہ فیشن خود ہی کافی نہیں ہے اور اسے موسیقی اور تھیٹر کے ماحول میں دکھایا جانا چاہئے۔

بعدازاں  بیونسی  اور لیڈی گاگا  نے ان کے ملبوسات کو زیب تن کیااور 2019 میں کم  کارداشیئن  نے میٹ گالا  کیلئے لباس تخلیق کیا ۔ 

ڈیزائنر کے آفیشل فیس بک اکاؤنٹ پر ایک پوسٹ میں  ان کے انتقال کی خبر کی تصدیق  کی گئی ۔  ان کے ایجنٹ  کا کہنا تھا  کہ ڈیزائنر کی وفات قدرتی ہے اور وہ اس ہفتے کے اوائل میں نئے پراجیکٹس متعارف کروانے کا ارادہ رکھتے تھے ۔