پی ایس ایل 7 :روٹ کے متعدد مقامات پر تعلیمی ادارے اورنجی دفاترقبل از وقت بند کرنے کا فیصلہ 

تفصیلات کے مطابق  پاکستان سپر لیگ  (پی ایس ایل ) سیون کے میچز کل سے لاہور میں کھیلیں جائیں گے۔ضلعی انتظامیہ نے    تعلیمی ادارے اورنجی دفاتر میں  قبل از وقت بند کرنے کا فیصلہ کیا ہے۔ روٹ کے  متعدد مقاما ت پر موجود سرکاری  اور نجی  سکولوں میں ایک بجے چھٹی ہو گی، اس حوالے سے نوٹی فکیشن جاری کردیا گیا ہے۔

ضلعی انتظامیہ کے مطابق نجی دفاتر 3 بجے اپنے ملازمین کو چھٹی  دے دیں، مال روڈ،اپرمال ،جیل روڈ،فیروز پورروڈ اورڈیوس روڈپر واقع سکولوں میں 1 بجے  چھٹی ہو گی،  مین بلیوارڈ گلبرگ، ظہورالہی روڈ،وحدت روڈ،شملہ پہاڑی اورکینال روڈ پر واقع سکولوں میں 1 بجے  چھٹی ہو گی۔

ضلعی انتظامیہ کا کہنا ہے کہ  ان علاقوں میں موجود سرکاری و نجی سکولوں اور دفاتر میں فیصلے پر  سختی سے عملدرآمد کرایا جائے۔