شہباز شریف14 سال بعد آج چوہدری برادران سے ملاقات کریں گے

مسلم لیگ ن کے صدر شہباز شریف آج چوہدری برادران کے گھر سپہر ساڑھے چار بجے جائيں گے،ان کے ہمراہ خواجہ سعد رفیق ،رانا تنویر اور عطاء تارڑ بھی ہونگے۔ 

شہباز شریف  اور چوہدری برادران کے درمیان 14 سال بعد ملاقات ہو گی۔

شہباز شریف چوہدری شجاعت حسین کی خیریت بھی دریافت کریں گے۔

ملاقات میں  شہباز شریف اور چوہدری برادران میں ملکی سیاسی صورتحال پر بھی تبادلہ خیال ہوگا۔

شہبازشریف حکومت کےخلاف عدم اعتماد پرچوہدری برادران کا تعاون مانگیں گے۔

گزشتہ روز مولانا فضل الرحمان نے چوہدری شجاعت حسین اور چوہدری پرویز الہیٰ سے ڈیڑھ گھنٹہ طویل  ملاقات کی ۔

اس سے قبل ایم کیو ایم  اور آصف زرداری بھی چوہدری برادران سے ملاقات کر چکے ہیں جبکہ  شہباز شریف نے حکومتی اتحادی پارٹی ایم کیو ایم سے بھی ملاقات کی تھی۔