صحافی اطہر متین کے ایک قاتل کو گرفتار کر لیا گیا:سعید غنی

وزیر اطلاعات سندھ سعید غنی نے سماجی رابطے کی ویب سائٹ ٹوئٹر پر لکھا کہ نجی ٹی وی سے منسلک صحافی اطہر متین کے قتل میں ملوث ایک شخص اشرف کو سندھ پولیس نے گرفتار کر لیا ہے۔

انہوں نے کہا کہ اطہر متین کے قاتل کو قانون کے مطابق سزا بھی دلوائی جائے گی۔

سعید غنی نے کہا کہ اس پورے کیس میں جس طرح پولیس نے جانفشانی سے کاوشیں کی ہیں وہ لائق تحسین ہیں اور اسی طرح سندھ پولیس پر عوام کے اعتماد میں اضافہ ہو گا۔

سماء ٹی وی سے منسلک اطہر متین کے قتل میں ملوث ایک شخص اشرف کو سندھ پولیس نے گرفتار کرلیا ہے۔ انشا اللہ قاتل کو قانون کے مطابق سزا بھی دلوائی جائیگی۔ اس پورے کیس میں جسطرح پولیس نے جانفشانی سے کاوشیں کی ہیں وہ لائق تحسین ہیں اسی طرح سندھ پولیس پر عوام کے اعتماد میں آضافہ ہوگا۔

— Senator Saeed Ghani (@SaeedGhani1) February 26, 2022

واضح رہے کہ گزشتہ ہفتے کراچی میں نجی ٹی وی چینل کے پروڈیوسر اطہر متین کو ڈکیتی مزاحمت کے دوران قتل کر دیا گیا تھا۔

الیکٹرانک اور سوشل میڈیا پر یہ خبریں 3 روز سے ہی گردش کر رہی تھیں کہ اطہر متین کے ایک قاتل کو بلوچستان کے علاقے خضدار سے حراست میں لیا گیا ہے۔