سابق صدر پاکستان رفیق تارڑ انتقال کر گئے

سابق صدر پاکستان رفیق تارڑ کافی عرصے سے علیل تھے ، ان کی عمر 93 برس تھی ۔ سابق صدر پاکستان محمد رفیق تارڑ کی نماز جنازہ آج بعد نماز عصر جامعہ اشرفیہ لاہور پر ادا کی جائے گی ۔

ان کا جسد خاکی 4:15 پر ان کی رہائش گاہ 1 شانن روڈ، جی او آر 1 لاہور سے اٹھایا جائے گا۔ دوسری نماز جنازہ ان کے آبائی علاقے گکھڑ میں بعد نماز عشاء، پرانی عید گاہ، پیر کوٹ روڈ پر 8:30 ادا کی جائے گی۔

محمد رفیق تارڑ کی پیدائش 1929 میں منڈی بہاؤالدین میں ہوئی، انھوں نے 1951 میں پنجاب لاء کالج سے ایل ایل بی کی ڈگری حاصل کی ۔ رفیق تارڑ 6مارچ 1989 سے 31 اکتوبر 1991 تک لاہور ہائی کورٹ کے چیف جسٹس بھی رہے ۔

سابق صدر محمد رفیق تارڑ (1997ء - 2001ء) میں سپریم کورٹ کے جج کے طور پر ریٹائر ہونے کے بعد پاکستان مسلم لیگ نواز کے ٹکٹ پر سینیٹ کے رکن منتخب ہوئے اور پھر اسی سال ملک کے نویں  صدر بنے۔ 

1999 میں جنرل پرویز مشرف کی طرف سے میاں نواز شریف کی حکومت کی برطرفی کے بعد انہیں عہدے سے نہیں ہٹایا گیا اور وہ 2001تک صدر رہے۔

ان کی بہو سائرہ افضل تارڑ ن لیگ کی اہم رہنما ہیں جبکہ  مرحوم لیگی رہنما عطا تارڑ کے دادا تھے ۔  عطااللہ تارڑ  نے ٹوئٹر پر دادا کی وفات کی تصدیق کی۔

میرے دادا جان محمد رفیق تارڑ رضائے الٰہی سے انتقال کر گئے ہیں۔

انا للہ وانا اليہ راجعون

— Attaullah Tarar (@TararAttaullah) March 7, 2022

صدر مسلم لیگ ن اور اپوزیشن لیڈر قومی اسمبلی شہباز شریف نے سابق صدر رفیق تارڑ کے انتقال پر افسوس کا اظہار کرتے ہوئے کہا  کہ سابق صدر مملکت، ہمارے شفیق اور مہربان بزرگ، زیرک قانون دان، انصاف پسند جج اور نہایت اچھے انسان محترم رفیق تارڑ بھی رخصت ہوگئے،  اللہ تعالی ان کے درجات بلند فرمائے۔

انہوں نے ٹویٹر پیغام میں  کہا کہ وہ  ہمارے لئے وہ ایک قابل احترام بزرگ کا درجہ رکھتے تھے جنہوں نے ہر مرحلے پر نہ صرف ہماری مخلصانہ راہنمائی فرمائی بلکہ اپنی دانش مندی، فہم وفراست اور بردباری سے معاملہ فہمی میں بھی ہمیشہ کلیدی کردار اد ا کیا۔

شہباز شریف نے کہا کہ  ان کی وفات ایک ذاتی صدمہ ہے،  ان کی کمی ہمیشہ ہر قدم پر محسوس ہوتی رہے گی۔ اللہ تعالی تمام وابستگان کو صبر جمیل دے۔ آمین

سابق صدر مملکت، ہمارے شفیق اور مہربان بزرگ، زیرک قانون دان، انصاف پسند جج اور نہایت اچھے انسان محترم رفیق تارڑ بھی رخصت ہوگئے۔ اللہ تعالی ان کے درجات بلند فرمائے۔ ہمارے لئے وہ ایک قابل احترام بزرگ کا درجہ رکھتے تھے جنہوں نے ہر مرحلے پر نہ صرف ہماری مخلصانہ راہنمائی فرمائی بلکہ۔۔

— Shehbaz Sharif (@CMShehbaz) March 7, 2022