آئی سی سی نے پنڈی ٹیسٹ میچ میں استعمال ہونے والی پچ کو غیر معیاری قرار دے دیا

تفصیلات کے مطابق آئی سی سی نے پنڈی ٹیسٹ میچ میں استعمال ہونے والی پچ کو غیر معیاری قرار دے دیا  ہے،  آئی سی سی ایلیٹ پینل میچ ریفری رانجان مدوگالے نے پچ کو اوسط درجے سے بھی کم قرار دیا ہے ۔

آئی سی سی کی جانب سے پنڈی کرکٹ اسٹیڈیم کو ایک ڈی میرٹ پوائنٹ بھی دیا گیا ہے ،   آئی سی سی نے معاملے پر پی سی بی کو خط لکھ دیا  ہے۔

آئی سی سی کا کہنا ہے کہ  پنڈی ٹیسٹ میچ کی پچ بیٹ اور بال دونوں کے لیے سازگار نہیں تھی۔

خیال رہے کہ   آسٹریلیا کی کرکٹ ٹیم اس وقت دورہ پاکستان پر ہے ، پاک  اور آسٹریلیا  کے درمیان پہلا ٹیسٹ میچ راولپنڈی کے اسٹیڈیم میں کھیلا گیا جو کہ بغیر کسی نتیجہ کے ڈرا ہوگیا۔