وزیراعظم کیخلاف  تحریک عدم اعتماد کامیاب بنانے کا مشن آخری مرحلے میں داخل، اجلاس طلب 

ذرائع کے مطابق مشترکہ  اپوزیشن قائدین کی جانب سے آج اہم اجلاس طلب کرلیا گیا ہے جو کہ مسلم لیگ  ن کے صدر  شہبازشریف کی رہائشگاہ پر دوپہر 2 بجے ہوگا ۔ اجلاس میں شہباز شریف، مولانا فضل الرحمان، آصف زرداری سمیت دیگر قیادت شریک ہوگی  ۔ 

اجلاس میں لانگ مارچ، دھرنا اور  وزیراعظم کے خلاف تحریک  عدم اعتماد کے حوالے سے نمبر گیم پر مشاورت کی جائے گی اور حکومتی اتحادی جماعتوں کے ساتھ طے ہونے والے معاملات کا جائزہ لیا جائے گا۔

خیال رہے کہ گزشتہ ہفتے وزیراعظم عمران خان کے خلاف اپوزیشن کی جانب سے قومی اسمبلی میں عدم اعتماد کی تحریک جمع کرائی گئی ہے ۔