ملتان : زائرین کی بس الٹ گئی ،2 افرا د جاں بحق ، متعددزخمی 

جی این این کے مطابق  بس فیصل آباد کے علاقے سمندری سے سخی سرور دربار پر زیارت کے لیے جارہی تھی  کہ بے قابو ہوکر سڑک کے قریب کھیتوں میں جا گری ، 72 سیٹر بس میں 100 سے زائد افراد سوار تھے۔ 

حادثے کی اطلاع ملتے ہی پولیس اور ریسکیو ٹیمیں موقع پر پہنچ گئیں، ریسکیو کے مطابق  زخمیوں کو نشتر ہسپتال منتقل کردیا گیا ہے ۔  ریسکیو کے مطابق  حادثے میں 2مسافرجان کی بازی ہار گئے جبکہ 59 افراد زخمی ہوئے ۔ 20سے  زائد معمولی زخمیوں کو موقع پر طبی امداد دی گئی جبکہ 18 مزید زخمیوں کو نشتر اسپتال منتقل کیا گیا ۔

بس حادثے جاں بحق ایک  مسافرکی شناخت شہریار افضل کے نام سے ہوئی ہے ۔ 

ریسکیو کے مطابق حادثہ ڈرائیور کو نیند آنے کے باعث پیش آیا۔