مریم اور حمزہ کی قیادت میں مسلم لیگ ن کا مہنگائی مکاؤ مارچ آج روانہ ہوگا

مسلم لیگ ن  حکومت   کوٹف ٹائم دینے کیلئےتیار ،  مہنگائی مکاؤ مارچ کے لئے قافلے ماڈل ٹاؤن لاہور سے دوپہر 2 بجے روانہ ہوں گے۔ لانگ مارچ کا پہلا پڑاؤ آج رات گوجرانوالا میں ہوگا۔

 نائب صدرمسلم لیگ ن مریم نواز ریلی کی صورت میں جاتی عمرہ رائیونڈ سےماڈل ٹاون پہنچیں گی ۔

اس سلسلے میں مسلم لیگ ن کے ارکان اسمبلی و لیگی رہنماوں کی  ڈیوٹیاں لگا دی گئی  ، ایم پی اے مرزاجاویداورکرنل ر طارق کوبھی کارکنان کےہمراہ جاتی عمرہ رائیونڈ پہنچنے کی ہدایت  کی گئی ۔ ٹکٹ ہولڈر پی پی 170میاں عمران جاویدبھی کارکنان کےہمراہ جاتی عمرہ پہنچیں گے ۔ ایم پی اےخواجہ سلمان رفیق کارکنان  کے ہمراہ ماڈل ٹاون پہنچیں گئے  جبکہ خواجہ احمد حسان  بھی ماڈل ٹاون پہنچیں گئے ۔مسلم لیگ ن کے تین حلقوں کو داتادربارپہنچنے کی ہدایت کی گئی ہے ۔

میاں مجتبیٰ شجاع الرحمان ، بلال یسین اورمیاں مرغوب احمد ، مہراشتیاق احمد،رانامشہوداحمد  بھی داتا دربارپہنچنے کی ہدایت  ، شاہدرہ میں بھی مسلم لیگ ن کے رہنماوں کی  ڈیوٹیاں لگائی گئی ہیں ۔ مسلم لیگ ن کے ارکان اسمبلی و ٹکٹ ہولڈرز کو گوجرانوالا میں موجود رہنے کی ہدایت کی گئی ہے.

حمزہ شہباز کا کہنا ہے کہ عمران خان کو بنی گالا سے اتار کر عوام کی عدالت میں پیش کریں گے۔

واضح رہے کہ آج ہونے والے لانگ مارچ سے متعلق ن لیگ کی نائب صدر مریم نواز اور پنجاب اسمبلی میں اپوزیشن لیڈر حمزہ شہباز نے گزشتہ روز ماڈل ٹاؤن لاہور میں کارکنوں سے خطاب بھی کیا تھا۔